اعزائى المشاهدين
ننتقل بأستوديوهاتنا الى منطقة عابدين على الهواء مباشرة لنقل المباراه الغير
ودية بالمرة بين فريق بولاق وفريق جاردن سيتى لدورى كرة القدم للسيدات
بين العشوائيات والكلاس
نقلتها لكم من الوحدة العاشرة
اعزائى المشاهدين النهاردة زى ما انتو حاسين ومش شايفين
المباراه واخدة دور كيد النسا ...وكيد النسا يغلب كيد الرجال بس لو الخصم اللى قدامك نسا يبقى قولوا علينا يارحمن يا رحيم
بولاق علي عيني
1- ام ابراهيم
2- ام سيد
3- ام علاء
4- ام ضياء
5- الحاجة تفيدة
6- الحاجة حكمت
7- ام سماعيل بنت حلاوتهم
8- ام نوال المنصورة
9- جمالات بياعة المفتقة
10- نحمدة بنت عدلات
11- الجول كيبر الست بلوظة
التاني جاردن سيتي
1- هايدى
2- باكينام
3- نانسى
4- منار
5- مدام لولا (صاحبة بوتيك)
6- مدام سونيا
7- كريمان
8- ام ميار
9- حنان (اخصائية تجميل)
10- ياسمين(صاحبة محل ورد)
11- الجول كيبر شاهيناز
اعزائى المشاهدين القرعة هتتعمل والجمهور مترقب جدا
على اليمين جمهور بولاق بالرق والطبلة والاعلام تفوح
منه سندوتشات الفول والفلافل
الكراسى الاولى محجوزة طبعا
لأصحاب محلات المصمط وبياعين الكبدة والاعلام عمالة تتحرك
والهتافات شديدة جدا ...
ياستات بولاق هانملك الوراق
جانب من الجمهور الحاضر
وعلى اليسار جمهور فريق جاردن سيتى برفانات ايه ووشياكة ايه
الاولاد اللى مامتهم فى الفريق شغالين بانجو وحشيش م القلق
والبنات لابسين الهاف ستومك والترنجات السوار سبورت
الهتافات شغالة والماتش حامى عمالين يهتفوا
يالله يامامى يالله يا تانط
اوعوا بولاق ترميكوا الارض
الناس فرحانة جدا والندور كثرت وشايفة ام ابراهيم م الفريق
حالفة توزع 10 صناديق بيرة لو كسبت
ام سيد اضايقت وقالت هوزع 5 باكتات بانجو هى مش احسن منى
الجو حامى والناس ظابطة انفاسها
الشوط الأول هيبدأ
القرعة ابتدت وفريق بولاق هو اللى هيبدأ
ام سيد بتعترض ع الحكم (هو من اولها يا ام سيد)
بتقول لازم تضرب نفسين شيشة قبل ما تلعب
الحكم بيقولها نفس واحد عشان
الـ 3 عمليات القلب بتوعك متتأثرش وتتعب
وصفر الحكم وبدأ الشوط الاول
الكورة مع ام سيد .... ام سيد ماشية ماشية ماشية اديتها لأم ابراهيم ام إبراهيم
باصتها للحاجة تفيدة الحاجة تفيدة 54 سنة بتلعب فى دورى العشوائيات
وبتلعب فى جيم البقاء للأقوى فى نزلة السمان
وشاطت الحاجة تفيدة الكووورة يااااااه جت طويلة شوية راحت لهايدى هايدى
خدت الكورة ع اليمين ام ابراهيم ضربت الحاجة تفيدة لضياع الكورة الحاجة
تفيدة (الله ليه الشتيمة كدة يا حاجة ) ما علينا
هايدى ماشية ماشية اديتها لمنار باصتها لأم ميار
وام ميار ماشية اتكعبلت فى ام سيد قعدت عليها
اما ميار بتصرخ ام سيد مش شايفة ام ميار الحكم صفر
ام سيد شتمته (ليه كدة يا ام سيد) الحكم ادى انذار لأم سيد
عشان لسانها الطويل والشتيمة للحكم ميصحش كدة
رمية تماس لصالح فريق بولاق واللى هتلعبها أم اسماعيل بنت حلاوتهم
وام اسماعيل ماشاء الله عندها 5 عيال اكبرهم 40 سنة ومهاجر
النمسا بيبيع سمك فاتح مطعم اخ الكلام خدنا
وشااااااااااااااطت الكوووووووورة يااااااااااااااااه جمب العرضة يا ام اسماعيل
جمب العرضة يا ام حلاوتهم ليه كدة هارد لك الكورة ردت خبطت فى راس
ياسمين ياسمين صرخت وقعدت تعيط وحلفت براس بباها ماهى لاعبة
..... ابنها ف وسط الجمهور شتم ام اسماعيل بأبوها
الجو بقى نار والشوط الاول لسة صفر صفر
فريق العلاج نزل لياسمين بيشوف راسها حنان زميلتها فى الفريق
قالتلهم هاتو قناع بالخيار احسن لوشها ووزيت جرجيرلشعرها
الحكم بيعترض بيقول الوقت بيضيع كدة .
رمية تماس لفريق جاردن سيتى هتلعبها مدام سونيا
ومدام سونيا 3 جوازات 3 فشلوا وداخلة ع الرابع
و250 الف دولار فى البنك وفراغ قاتل وشاطت
شوطة جامدة يااااااااه يااااااه يااااااه
هارد لك يا سونيا ركزى حبة ومتخليش
فشل جوازك يلاحقك فى الملاعب
طالت منها خدتها نحمدة بنت عدلات نحمده ماشية
ماشية قربت جامد عند خط الـ 18
هى والجون هى والجون شاطت وجووووووووووون وجون وجون
وجوووووووووون
عملوها بتوع بولاق عملوها..... ست الستات عملتها وجابو جون
عملوها.... يا بنت يا ولد يا ست عملوها
جمهور فريق بولاق ميكرفونات الزغاريط اشتغلت
والاغانى الفلكورولية طلعت (ايوة يا واد يا ولعة)
الفريق فى الملعب عمال يهيص ام علاء خدت ايشارب
واتلموا ورقصوا رقصة الحجالة
الحكم اعترض ع الرقص ام ضياء عضته .
فريق جارن سيتى قعد ع النجيلة يدخنوا سجاير عشان
دمهم محروق وحنان بتعمل لهم ماسكات عمالين
يلوموا الجول كيبر شاهيناز على دخول الجون وبيقولولها
(دة وقته تبردى ظوافر ايديكى يا شاهى)
شاهيناز بتعيط (صورة خاصة للطليعة)
الحكم تعبان والعضة جامدة بنلعب ف الوقت بدل الضايع
صَفر الحكم من غلبه وانتهى الشوط الاول بهدف واحد
لفريق بولاق وصِفر لجاردن سيتى
استراحة قصيرة وسنعاود لنقل الشوط التانى
وبليز اوعو تكونو هناك .
اسعاف يابنى للحكم
موضوع: مباراه بين بولاق وجاردن سيتي 
الخميس مارس 27, 2008 6:07 am
